Сагата околу Нејмар и неговиот трансфер во шпанскиот шампион продолжува и откако заврши преодниот рок, а каталонскиот весник „Спорт“ пишува дека во соблекувалната на Барселона владее хаос.

Желбата на Нејмар да се врати во Барселона беше голема, тој понуди сам да доплати 20 милиони евра како дел од трансферот, а свои лични средства сакале да дадат и дел од фудбалерите на Барселона, пред се Лионел Меси и Луис Суарез.

Оваа идеја клубот ја одби бидејќи поголем дел од членовите на управата сметале дека понудите за Нејмар се високи и не сакале да дозволат да бидат уценувани од ПСЖ.

Но, идејата на Меси и Суарез предизвика дополнителни проблеми и раскол во соблекувалната. Поголем дел од фудбалерите ова го сфатиле како удар на најскапото летно засилување, Антоан Гризман поради што француските фудбалери но и Жерар Пике се спротивставиле на Аргентинецот и Уругваецот и застанаа на страната на Французинот.