8 C
Скопје

Не сме информирани за пописот, се жалат иселениците

Со низа нејаснотии, дилеми, па дури и технички проблеми од вчера по електронски пат започнаа да се самопопишуваат македонските државјани што живеат во странство. Реакциите на нашинците од дијаспората се најчесто адресирани кон работата на дипломатско-конзуларните претставништва, од каде очекувале да бидат известени дека воопшто започнал да се спроведува пописот.

-Утринава, патувајќи кон работното место случајно прочитав наслов на македонските портали дека дијаспората се попишува. Воопшто не бев известена дека тоа можам да го сторам сама, претпоставував дека во мое име тоа ќе го направат најблиските роднини што ги имам во Скопје, вели за „Слободен печат“ Искра Д. која повеќе од пет години живее и работи во Белгија.

Таа додава дека не наишла на било каква информативна кампања, преку која македонските државјани во странство би се мобилизирале за учество во пописот.

Прочитајте и...  Дел од Радишани без вода

-Контактирав со пријатели што исто така живеат во западноевропските земји и поголемиот дел не беа запознаени со детали за пописот. Веднаш ја отворив интернет страницата на Државниот завод за статистика и го започнав процесот, но безуспешно, бидејќи имаше полиња за кои не бев сигурна како да се пополнат, а воедно ми беше побаран ПИН-код, но не успеав да дознаам кој треба да ми го испрати таквиот код, вели Искра Д., дополнувајќи дека постои упатство за пополнување, но во формат кој не одговарал на нејзиниот мобилен телефон.

Таа не е единствениот македонски државјанин кој се соочил со пречки. Многумина на социјалните мрежи реагираа дека пописната апликација не го прифаќа нивниот матичниот број.

Прочитајте и...  Аквадуктот во Скопје доби највисок степен на заштита на културно наследство

Директорот на Државниот завод за статистика, Апостол Симовски го потврди овој проблем, велејќи дека сега веќе е надминат, а ги опфаќал оние лица родени по 2000 година.

-Пристапот до апликацијата на нашата интернет страница е многу едноставен. Апликацијата е функционална и имаме постојано самопопишување на нашите државјани. Агенцијата што ја изготвуваше апликацијата е должна во најкус можен рок да ги отстрани евентуалните проблеми при пристапот до апликацијата, извести Симовски.

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар