Не користете пластичен прибор додека готвите: Хемикалиите стигнуваат до храната! – Слободен печат
ЕспресоХрана

Не користете пластичен прибор додека готвите: Хемикалиите стигнуваат до храната!

Германските научници имаат нови докази зошто не треба да користиме пластичен прибор додека готвиме.

После многу испитувања научниците се согласија дека пластичниот прибор и останатите пластични алатки за готвење, треба да се избегнуваат додека го спремаме нашето јадење.

Пластиката е токсична и како таква може да му наштети на здравјето на црниот дроб и тироидните жлезди, прердупредуваат научниците од Германија.

Особено е важно да не користите пластика доколку готвите храна на температура над 70 степени.

Научниците велат дека многу пластични лажици за готвење содржат штетни материи – олигомери, кои на температура над 70 степени директно стигнуваат до храната.

Доколку во голема доза стигнат во организмот, би можеле да го оштетат црниот дроб и предизвикаат заболување на штитните жлезди. Исто така, хемикалиите од пластиката се поврзуваат и со неплодноста, ракот и вишокот на холестерол.

Ова е само уште едно од истражувањата кои потврдуваат дека пластиката која се користи во индустријата за храна, отпушта штетни токсини кои успеваат да стигнат до вашиот ручек, а подоцна и до нашиот организам.

Многу пластични лажици и останати алатки се направени од синтетички хемикалии за да бидат отпорни на високи температури.

Истражувањата кои се правени на животни, докажуваат дека овие хемикалии предизвикуваат тумури на црниот дроб, панкреасот и тестисите, а штетно влијаат и на плодноста.

Германскиот федерален институт предупредува дека пластиката треба да се држи подалеку од топла храна, бидејќи во контакт со висока температура олигомерите успеваат да стигнат директно до храната.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close