Се чини дека принцот Ендру сепак ќе мора да сведочи пред американскиот суд поради тужбата што ја поднесе Вирџинија Џуфри против членот на кралското семејство, тврдејќи дека Ендрју сексуално ја злоставувал кога имала само 17
години, пренесуваат странските медиуми.

Иако принцот Ендрју се надеваше дека американскиот окружен судија Луис Каплан ќе ја отфрли тужбата поднесена против него, таквото сценарио не се случи. Судијата истакнал дека е премногу рано да се разгледаат поднесените барања и обвиненија и дека принцот Ендру ќе може да ја каже својата страна од приказната само на судењето.

Одбиена молбата на принцот Ендру за прекинување на тужбите за сексуалните напади

Всушност, ова беше најлошиот кошмар за принцот Ендру и целото кралско семејство, бидејќи сега, очигледно, омилениот син на кралицата, ќе мора да отпатува во Њујорк и да се обиде да се извлече, односно, да не биде обвинет за сексуално злоставување на малолетник.

Одлуката на судијата да ги отфрли неговите молби јасно стави до знаење дека фактот што Ендрју е член на британското кралско семејство не значи дека тој не е маж кој згрешил кога повеќепати ја принудувал 17-годишната Вирџинија на секс.

Војводата од Јорк, кој кралицата го „отстрани“ од сите должности по избивањето на скандалот, дополнително го наруши неговиот углед и може да остане без поголемиот дел од своето богатство. Имено, откако кралицата одбила да му ги
плати судските трошоци, долговите се насобрале, поради што принцот Ендрју ја морал да ја продаде својата луксузна вила на швајцарските Алпи.

Целиот скандал не можеше да се случи во полошо време од ова, бидејќи во Велика Британија во моментов се подготвува прославата на јубилејот на кралицата, со кој ќе одбележи 70 години откако седнала на тронот.

Имено, стравот е уште поголем бидејќи се очекува на есен да бидат повикани на суд и некои членови на кралското семејство, но и нивни помошници, за да дадат исказ.

Иако Ендру, но веројатно и целото кралско семејство, се надеваа дека ќе постигнат вонсудска спогодба и ќе ја принудат Вирџинија да се откаже од сè за одредена сума, тоа не се случи. Нејзините пријатели тврдат дека таа нема да се согласи на што било и дека тоа е нејзиниот начин да испрати јавна порака дека секој, дури и да има неверојатна моќ, пари и привилегии, ќе се соочи со законот доколку злоставува малолетни деца.

Правните експерти тврдат дека принцот Ендрју може сето ова да го демантира и да побара да се искористи неговата изјава наместо сведочење во живо.