Најдобра заштита за организмот во текот на празниците е овој минерал, особено од ковид-19
Сезоната на прослави е во ек, а доаѓаат и празниците, уживањата во храната и пијалакот со семејството и пријателите. Во овој период луѓето се опуштаат и помалку водат сметка за своето здравје, што може да биде многу штетно, со оглед на тоа што пандемијата на коронавирус сè уште трае, а и другите болести ги демнат организмите со намален имунитет.
За да имаме шанса во борбата против инфекциите, грижата за телото и имунолошкиот систем треба да ни биде приоритет во овој момент.
Она што не смееме да го заборавиме е јодот, кој е одговорен за функционирањето на нашиот организам во целина. Бидејќи телото не го произведува, јод мора да внесуваме секој ден, бидејќи тој е одговорен за правилното функционирање на тироидната жлезда, метаболизмот, правилното функционирање на нервниот систем и имунитетот. Она што е најважно, во периодот на пандемијата, ни помага во борбата против вирусот!
Истражувањето на д-р Дејвид Дери, објавено во американски стручни списанија, ја нагласува доминантната улога на јодот во зајакнувањето на имунолошкиот систем, особено во борбата против вирусните инфекции и коронавирусот. Покрај добро познатиот факт дека ги елиминира сите патогени, вклучително и деактивирањето на вирусите во телото и на кожата, со што најдобро придонесува за зајакнување на организмот, негова најважна улога е таканаречената апоптоза – програмирано уништување на заразените клетки.
Со консумирањето од 1,5 до 2,4 милиграми јод дневно (во зависност од телесната тежина), го зајакнуваме нашиот имунолошки систем во борбата против грипот. Ја намалуваме и можноста за пренесување на ковид-19, а со самото тоа и смртноста.
Јодот значително влијае на стапката на смртност од ковид-19 кај постарата генерација, покажа минатогодишното истражување на експертите од Националниот ревматолошки центар во Холандија.
Професорот д-р Р. Х. Верхесен ги анализирал податоците за бројот на жртвите во светот предизвикани од ковид-19 и заклучил дека количината на внесен јод има значително влијание врз стапката на смртност кај најстарата популација.
„Епидемиолошките податоци покажуваат дека актуелната пандемија на ковид-19 кај Јапонците, кои се познати по високиот внес на јод, има многу ниска стапка на смртност од ковид-19 во споредба со другите земји, и покрај фактот што Јапонија има најстара популација во светот и дека националните мерки за затворања беа меѓу најблагите“, рекол професор д-р Верхесен.
Јодот најмногу го има во алгите, морската риба и кујнската (јодирана) сол.
Намирниците богати со овој минерал го намалуваат ризикот од болести, додека стресот го зголемува. Важноста на јодот и неговиот недостаток во храната се докажува со фактот што многу земји пропишале вештачка јодизација на солта. Со оглед на тоа дека сè помалку консумираме солено и користиме разни видови сол, недостатокот на јод во исхраната е евидентен.