Над 85 отсто од ковид-пациентите во ГОБ „8 Септември“ се приклучени на кислородна поддршка
Вечерва во емисијата „24 анализа“, д-р Владимир Ристовски изјави дека има преку 150 пациенти кои се хоспитализирани во ковид-центарот во болницата 8 Септември.
Според него, повеќе од 85 проценти од пациентите се приклучени на кислородна поддршка.
– Во тријажниот оддел има преку стотина прегледи и цело време ни се јавуваат лица со тешка клиничка слика. Секој ден се прават 20 приеми, а исто така толкав број на пациенти се испишуваат од болницата. Сепак, големите проблеми се и компликациите од вирусот, кои ќе се видат понатаму, истакна Ристовски.
Од Министерството за здравство попладнево соопштија дека во последните 24 часа се направени 3 978 тестирања, а регистрирани се 1 402 нови случаи на коронавирус, што претставува 35 проценти од тестираните биле позитивни.