Градоначалникот на Град Скопје, Петре Шилегов и министерката за образование и наука, Мила Царовска, денеска, на првиот училишен ден во новата учебна 2020/2021 година, го посетија средното училиште на Град Скопје „Орце Николов“.

Заедно со директорот на „Орце Николов“, Митко Димовски, тие се сретнаа со професорите од ова средно училиште кои држеа онлајн настава за средношколците.

За да се заштити здравјето на учениците и на наставниот кадар од ширењето на коронавирусот, новата учебна година стартува со почитување на строги протоколи и онлајн настава која ќе се изведува преку националната платформа за учење од далечина.

На професорите, но и на средношколците од Скопје, Шилегов и Царовска им посакаа успешна учебна година. Тие изразија уверување дека со меѓусебна соработка ќе се надминат сите предизвици што ги наметна новиот начин на настава.

(ГАЛЕРИЈА) Маски, дистанца и мерење на температура: Првиот училишен ден низ објективот на Слободен печат

Децата нема да учат до 31 август, туку до 10 јуни