На домашниот пазар ќе се задолжиме со уште 300 милиони евра
Покрај ова задолжување од 700 милиони евра со еврообврзницата, за годинава се планирани и други задолжувања.
– Нето задолжувањето од еврообврзницата е 200 милиони еврам затоа што од овие пари треба да се вратат 500 милиони евра за четвратата еврообврзница. Планирано е и нето-задолжување од 300 милиони евра од домашните кредитори, 80 милиони евра од Европската комисија и 82 милиони евра заеми за имплементација на проекти – рече министерот за финансии Фатмир Бесими.
Во однос на домашното задолжување од 300 милиони евра, Бесими рече дека банкарскиот сектор е со добра ликвидност и се очекува тој да обезбеди пари за буџетот онака како што е планирано.
Инаку, вкупниот долг што годинава треба да го врати државата за доспеани кредити е 605 милиони евра.
Според пресметките на Бесими, годинава ќе ја завршиме со јавен долг од 63,4 проценти од бруто домашниот производ, а во наредните години сеочекува негово намалување.
Бесими: Еврообврзницата што вчера се издаде е со рекордно најниска камата