Вицепремиерот за европски прашања на Северна Македонија, Бујар Османи, заедно со заменик-премиерот на Косово, Енвер Хоџаj, денеска го посетија местото каде што се вршат градежните работи на граничниот премин Беланоце-Станчиќ.

Османи и Хоџај одблиску се запознале со напредокот на проектот. Камен-темелникот со кој започна изградбата на граничниот премин, беше поставен на 11 јуни минатата година.

На тогашната церемонија, покрај двајцата премиери, учествуваа и амбасадорите на земјите на ЕУ во нашата земја и на Косово, Самуел Жбогар и Наталија Апостолова.

Граничниот премин Беланоце – Станчиќ се гради со финансии од ИПА програмата на ЕУ, а се очекува да ја олесни соработката меѓу двете земји, да придонесе за побезбедни гаранции и за социјален и економски развој на пограничниот регион, вклучувајќи и зголемена интеракција меѓу луѓето, јавува Алсат.

Според истиот медиум по денешната посета од страна на официјални лица и двјцата заменици-премиери, како датум за инаугурација, e најавено 31 август.