Мурињо се расплака пред камерите, сака да тренира (ВИДЕО) – Слободен печат
СпортФудбал

Мурињо се расплака пред камерите, сака да тренира (ВИДЕО)

На Португалецот тешко му паѓа што на стартот од сезоната е без тренерски ангажман.

Португалецот во декември минатата година доби отказ од Манчестер јунајтед и оттогаш е без тренерски ангажман. Иако работи како стручен аналитичар за неколку телевизии, тој сака да се врати на секојдневната тренерска работа.

А, колку тешко му паѓа тоа што сè уште е без ангажман доказ е снимката која се појави денеска и на која се гледа како Мурињо плаче додека зборува колку му недостига фудбалот.

– Откако сум во професионалниот фудбал некако се ми „кликна“, не можам да живеам без фудбалот. Имаше и тешки моменти, но повеќе беа радости и тоа е мојот живот – вели Мурињо кој потоа пред камерите покажа колку му недостасува тренерската работа.

– Многу ми недостасува, мислев дека ќе можам да уживам во одморот, но ништо од тоа. Не можам да живеам без фудбалот. Го скратувам времето учејќи германски јазик за да бидам подготвен доколку пристигне понуда од таа земја. Зборувам англиски, шпански, италијански и француски јазик – вели Мурињо.

Како негов иден клуб повторно се споменува германскиот гигант Баерн Минхен бидејќи тренерот Нико Ковач повторно влезе во војна со своите фудбалери, а притоа на стартот од Бундес лигата  не успеа да ја совлада Херта пред своите гледачи.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close