Мрежата за заштита од дискриминација реагираше на изјавите на премиерот Христијан Мицкоски, кој на настанот „Демографски трендови, предизвици и можни решенија – Развој на стратешки документи за демографска отпорност”, рече дека се разгледува можноста за воведување дополнителни даноци за неженети и немажени лица.

Мрежата за заштита од дискриминација оценува дека ваквата најава односно идна мерка не само што би била ретроградна, туку е и дискриминаторска, бидејќи како што велат оттаму:

-Ги крши човековите права односно правото на избор, правото на приватен и семеен живот и правото на планирање семејство, животен стил, семејна состојба и иднина.
-Го стигматизира секој кој не живее во брачна заедница – било од избор, било од околности.
-Ги удира младите, самохраните родители, ЛГБТИ+ лицата и оние кои се социјално и економски ранливи.
-Не придонесува кон развој на општеството, туку отвора врата за нови поделби, стигма и нееднаквост.

Во нивната реакција се вели дека ваквиот предлог јасно кореспондира со идеите кои доаѓаат од авторитарни режими, кои преку ретроградни наративи имаат за цел насилно зголемување на наталитетот.

„Наместо казнување на личните избори преку даночен систем, потребни се политики кои ги поддржуваат младите семејства, достапни градинки, сигурно вработување, родова еднаквост и слободен избор на партнерство и родителство. Животниот стил не е основа за оданочување. Во демократска и современа држава, бракот треба да биде слободен избор, а не даночна обврска.Ја повикуваме Владата, како орган којшто е овластен предлагач на закони и политики, да се воздржи од иницијативи кои поттикнуваат дискриминација, а институциите – да застанат во одбрана на правата на сите граѓани, без разлика на нивниот брачен статус“, се вели во реакцијата на Мрежата за заштита од дискриминација.

ВИДЕО | Мицкоски се мисли да воведе данок за немажени и неженети