Ракометната репрезентација на Македонија до 18 години ќе игра во финалето на ЕХФ шампионатот што се одржува во Рига, Летонија откако денеска ја забележаа и третата победата.
Избраниците на селекторот Раде Стојановиќ денеска славеа со убедливи 32:22 против Луксембург.

Македонските ракометари уште во воведните минути покажаа разлика во квалитет и поведоа со 6:1, по што рутински ги одработија првите минути од средбата  и на одмор заминаа со плус шест (15:9).
И второто полувреме помина идентично на првото, Македонија доминираше на двата дела од теренот, а до двоцифрена предност дојдоа во финишот (29:19) по што рутински го приведоа натпреварот до крајот за конечни 32:22.
Славчо Шулески со десет гола и Александар Петковски со седум беа најдобри кај Македонија која во финалето ќе игра со победникот од дуелот меѓу Швајцарија и Летонија.