Млади против корупција: Подмладоците на политичките партии ќе дебатираат на национална Конференција

Корупција / Фото: Архива на „Слободен печат“

Денеска ќе се одржи национална конференција „Млади против корупција” во хотел Панорамика во Скопје, на 30 ноември (среда) 2022 година, со почеток во 11 часот.

На Конференцијата ќе се промовираат резултатите од иницијативите кои беа водени од Млади Агенти за борба против корупција во пет општини (Охрид, Прилеп, Штип, Кисела Вода и Бутел).

Воедно претседателите на подмладоците од политичките партии ќе потпишат и Декларација за заложба за борба против корупција.

Настанот ќе го отворат г-дин Зоран Илиески, Извршен Директор на СЕГА, и г-ѓа Билјана Ивановска, Претседател на Државната Комисија за Спречување на Корупција, а свои обраќања ќе имаат и: г-дин Марко Михаилоски, претседател на СДММ при СДСМ; г-дин Јетмир Асани, потпретседател на Младинскиот форум на ДУИ при ДУИ; г-дин Сергеј Попов, претседател на УМС при ВМРО-ДПМНЕ; г-дин Семир Пајазити, Форум на млади на движење БЕСА, при Движење БЕСА; и г-дин Марио Јанески, претседател на Црвена Младина при Левица.

Видео на денот