Млада Србинка сакала да заколе Турчин во Будва, го бодела повеќепати
Полицијата во црногорското летувалиште Будва ја уапсила 21-годишната Србинка Д.М., којa е осомничена за обид за убиство на десет години постар турски државјанин, јавуваат медиумите.
Ова за „Вијести“ го потврдиле од полицијата, од каде ја сомничат младата српска државјанка дека вчера со нож му нанела повеќе убодни рани на турскиот државјанин во населбата Лази во Будва, пренесува „Н1“.
Според соопштението од полицијата, во вторникот околу 10:00 часот, во простории од куќа во Будва, најпрвин дошло до вербален, а потоа и физички конфликт помеѓу М.Д. и нејзината мајка од една страна и Х.Б. од друга страна, по што, како што полицијата се сомнева, М.Д. со употреба на остар предмет – нож на оштетениот Х.Б. му нанел убодни рани во грбот.
Турчинот е тешко повреден и бил пренесен во болница за да му се укаже помош, јавуваат црногорските медиуми.