Мистериозен даб во Косово: Кој го бакнува три пати ја наоѓа среќата
„Вртете се околу него и бакнете го три пати и ќе ви излезе среќата“, е изреката што со векови се раскажува за овој карактеристичен даб, кој во себе чува многу приказни. Дабот се наоѓа внатре во еден храм во косовското село Рогана, Каменица.
На внатрешните sидови на храмот се наоѓаат и два гроба. Според Елхами Калаба, жител, освен пронаоѓањето на среќата, ова место станало причина многу жени да станат мајки.
– Имало луѓе што им помогнало многу. Се зборува дека пред неколку години некој дошол од Добрчани со возило со еден легнат парализиран човек и на враќање тој станал на свои нозе и земал јаболко и од тогаш почнал да оди – објаснува Калаба.
Се верува дека доколку посетителите земале дури и мали работи од ова место, било да е тоа само еден камен или лист, тоа им носело среќа. Петти мај е денот кога најмногу луѓе го посетуваат овој храм, односно бројката достигнува и до 6.000 посетители.
Овој храм го посетиле и многу луѓе од регионот, кои биле многу задоволни па дури повторно се вратиле на тоа место со цел да им се исполнат нивните желби, пренесува Газета Експрес.