Грчкото Министерство за труд ги изнесе деталите за новото зголемување на минималната плата на 830 евра, по утринските најави на премиерот Киријакос Мицотакис.

Според новите податоци, околу 550.000 вработени во приватниот сектор ќе имаат зголемување на платите, бидејќи од 1 април оние на кои им се исплатува минималната плата ќе добиваат 830 евра месечно, што е покачување од 50 евра во однос на претходната која изнесуваше 780 евра.

За висината на покачувањето земени се предвид предлозите на општествените и научните тела, додека зголемувањето дојде порано, на 1 април, за да имаат бенефит од ова покачување и сите работници во туризмот.

Ова е четврто зголемување на минималната плата во Грција, како резултат на што таа сега е зголемена за 27% од 650 евра колку што беше во 2019 година.

Не е шега: од 1 април минималецот во Грција ќе биде 800 евра