Милијарда евра за „корона фондот“ донација од Холандија
Холанскиот министер за финансии Вопке Хукстра истакна дека станува збор за подарок, а не за позајмица.
Холандската Влада ќе донира една милијарда во така наречениот „корона фонд“ чие формирање се покренува во рамките на Европска Унија, а има за цел да ги помогне земјите тешко погодени од епидемијата со корона вирусот, а кои не располагаат со доволно средства за набавка на неопходните медицински материјали.
Холанскиот министер за финансии Вопке Хукстра истакна дека станува збор за подарок, а не за позајмица.
Утврдувањето на условите за пристап до средствата, како и начините на кои ќе се врши контрола на издадоците се следен чекор од планот.
Вкупната сума на „корона фондот” ќе зависи од придонесот на земјите-членки на Унијата.
Претходно, холандскиот премиер Марк Руте и Хукстра беа остро критикувани од страна на нивните колеги во ЕУ, посебно од страна на италијанскиот и шпанскиот премиер, како и од претседателот на Европски совет, Чарлс Мишел поради тоа што се против издавање на евро обврзница.