Михајловиќ: Си го сонував сопствениот погреб и научив да плачам
Тренерот на Болоња, Синиша Михајловиќ, за италијанскиот Скај Спортс зборуваше за борбата против леукемијата.
Михајловиќ неодамна објави автобиографска книга во која најголем дел беше посветен на борбата против тешката болест.
– Животот е прекрасна работа и кога ќе поминете низ тоа што јас го поминав, ќе научите да уживате во се и во секој детаљ. Роден сум два пати, 20. февруари 1969 година и 29. октомври 2019, 50 години подоцна. Да се види силен маж како плаче е нежно, со оваа болест научив да се носам со емоциите, да пуштам солза и не се срамам тоа да го правам. Никој не треба да се срами. Претходно емоциите ги држев во себе, а потоа сфатив дека плачењето е добро, ги покажувате емоциите на луѓето кои ги сакате“ – изјави Михајловиќ за Скај Спортс.
Sinisa #Mihajlovic , tecnico del #BOLOGNA , che si racconta nel suo libro, “La partita della vita”, intervistato in esclusiva da Sky Sport, ha parlato di come ha affrontato con coraggio la malattia, mettendosi a nudo senza aver paura di farlo.
?⚽️❤️❤️ https://t.co/U6r8ugv8y7 pic.twitter.com/Jfusuc4BP7— mainsport (@it_mainsport) December 1, 2020
Освен со емоциите, тренерот на Болоња открива дека се борел и со стравот.
– Нормално дека се плашев, да се помине цела ноќ со сите мисли кои ви доаѓаат… не е лесно. Дури неколку пати го сонував и сопствениот погреб. Но, никогаш не ја губев надежта поврзана со желбата да се борам. Храброста ми беше духовна храна. Поддршката од луѓето предизвика две различни чувства, бев среќен што ги гледам заедно кога доаѓаат да ме поздрават, но се чувствував тажно бидејќи не можам да бидам со нив. Длабоко во себе никогаш не се сомневав со себе – открива Михајловиќ.