Мицкоски: Заев е главен рекетар и трговец со виталните органи на Македонија (ВИДЕО)
Лидерот на ВМРО-ДПМНЕ, Христијан Мицкоски, одржа говор за време на вечерашниот протест, кој го организираше неговата партија.
„Правдата е нападната од неправдата! – започна Мицкоски, кој додаде дека судската и обвинителската власт се брутално згазени, а и „дека аудио-материјалот покажал и докажал мафија која ја одзела слободата и правдата во Македонија.“
– Тоа е мафија која три години е сојузник на криминалот. Тоа е мафија која диктира обвиненија и пресуди. Мафија која го негува режимот на Зоран Заев. Но, за сето ова е највиновен самиот Заев. Тој е виновен затоа што во исто време е премиер, обвинител и судија. Тој е главен рекетар и трговец со виталните органи на Македонија. На човекот не му е тешко да украде и да се посрамоти, но само не му барајте да биде чесен, оти тоа му е најтешко. Слушнавме во снимките која била реалноста. Ќе се обидам да цитирам: без Заев не се може, трас-трас. Па така, ако Заев е капо ди тути капи на мафијата, тогаш неговите советници и неговите верни заштитници се Вилма Русковска и Љубомир Јовески –рече Мицкоски на вечерашниот протест.
Publiée par Sloboden Pecat sur Mardi 25 février 2020