Меган Маркл (38) го тужеше британскиот таблоид „Mail of Sunday“ поради некоректно и непрофесионално известување за неа и принцот Хари (35). Меган изјави дека медиумите го малтретирале и искористувале нејзиниот татко, иако не зборувала со него 2 години. Странските медиуми сега јавуваат дека Меган го изгубила првиот спор против таблоидите. Судот ги отфрлил сите наводи и тужби врзани со приватноста на војвотката во првата пресуда во случајот кој и понатака ќе се рзвлекува во судот.

Меган наведениот таблоид го тужела за два текста во весникот и три на порталот, во кои во февруари 2019 година биле објавени писма кои таа му ги пишувала на својот татко Томас Маркл (75).

Прелиминарното сослушување на овој случај било минатата недела на далечина. Судијата седел во судницата, додека адвокатите и новинарите се уклучиле преку видеозапис. Адвокатот на познатите Давид Шербоун рекол тогаш дека Меган ќе ги даде сите потребни докази за да докаже дека медиумите го искористувале нејзиниот татко.

Меѓутоа, адвокатот на таблоидот Ентони Вајт рекол дека е љубопитен како „Mail on Sunday“ е обвинет за злоупотреба, посрамотување, манипулирање и искористување на Томас Маркл, ако Меган не комуницирала со татко си 2 години. Меган како доказ на судот му ги покажала и пораките, па го предала и писмото упатено кон својот татко. Се работи за нивна приватна порака уште од времето пред кралската венчавка, па затоа и одлуката за недоаѓањето на Томас. Маркл рекла дека спомнатиот таблоид намерно го задевал нејзиниот татко, не покажувајќи ја вистината, туку измислиле гласини за да ја оцрнат во јавноста.