Поранешниот број еден тенисер во светот Енди Мареј одигра меч за паметење на Австралија Опен и по скоро шест часа обезбеди место во следната рунда.

Мареј имаше негатива, а потоа следуваше пресврт во меч кој траеше пет часа и 45 минути. Пресметката против Танаси Кокинакис траеше до раните утрински часови по австралиско време и заврши во четири наутро.

Водеше Кокинакис со 6:4 и 7:6 по првите два сета, а потоа Мареј успеа да се врати и во тај брејк го доби сетот со 7:6. Во четвртиот сет беше поубедлив и го доби со 6:3. Последниот петти сет донесе 12 гема, а Мареј успеа да го добие со 7:5.

Мареј има 35 години и од поодамна не игра на највисоко ниво поради големите проблеми со повреди, но на Австралија Опен го покажува квалитетот бидејќи во првото коло го елиминираше Италијанецот Беретини.