Малолетно момче вчера во попладневните часови, за време на протестот на таксистите во Белград, успеал да украде автобус и со него да помине повеќе километри низ главниот град на Србија, пренесоа српските медиуми.

Според неофицијални сознанија, возачите брзо забележале дека им недостасува автобус и повикале полиција и набрзо крадецот е уапсен. За овој пропуст на возачите на линијата 59 никој не сакал да зборува, освен да потврдат дека ситуацијата навистина се случила. Но, според некои пишувања, станува збор за момче кое е добро познато на возачите, односно за човек кој „обожува да се дружи и да разговара со возачите на јавните автобуси“.

– Го забележав паркираниот автобус со бројот 59 и малку се изненадив што е паркиран, но тоа не беше многу чудно поради тоа што сите линии се пореметени поради протестите. Но,  – истакна за српска „Политика“ возач на автобус во Белград кој сакал да остане анонимен.

Набрзо потоа алармирани се и другите колеги. Тогаш, повикана е полиција, а момчето е запрено и фатено. Засега нема информации за тоа колку луѓе имало во автобусот и за тоа имаше различни информации, од тоа дека автобусот бил празен до фактот дека во него имало неколку врсници на малолетникот и една постара жена.

Целата ситуација е завршена без сериозни последици, особено ако е точна информацијата дека позади воланот на автобус седнало момче без возачка дозвола.