Македонија игра примитивен фудбал, доколку не победиме – не заслужуваме осминафинале

Фото: EPA-EFE/Vadim Ghirda

Репрезентациите во групата Ц кои загубија во првото коло загубија, ќе играат една против друга во второто коло на Евро 2020.
Украина загуби со 3:2 од Холандија, додека „рисовите“ во дебитантскиот настап на Европските првенства се поразени од Австрија со 3:1, а ќе остане запишано дека Горан Пандев го постигна првиот гол за Македонија на едно големо натпреварувањео

Украинците очекуваат победа против Македонија, а тренерот Олександр Севидов  кој за време на Евро 2020 е ангажиран како стручен аналитичар на украинската телевизија, ја гледа неговата репрезентација како голем фаворит, но во исто време вели дека доколку не победат, тогаш не заслужуваат да играат во осминафиналето.

– Украина не заслужува втора фаза ако не ја победи Македонија. Австрија и Македонија одиграа примитивен фудбал, но навистина се бореа за секоја топка. Затоа ќе ни биде тешко и со Македонија, но дефинитивно сме за една класа подобри од нив. Доколку не ги победиме Македонците, тогаш не заслужуваме да играме во осминафиналето – рече Севидов.

Натпреварот од второто коло во групата Ц ќе се игра в четврток на Националната Арена во Букурешт со почеток од 15 часот.

Видео на денот