Нејзиниот љубовен живот секогаш привлекува многу внимание, а наводно веќе после неколку месеци врска со новото момче се реши дека е време за нова животна улога.

Како што тврдат американските медиуми, Мајли Сајрус е бремена, а своето прво дете го очекува со нејзиното момче Коди Симсон.

Парот е во врска само 6 месеци, а веќе пред месец дена се зборуваше за наводната бременост на пејачката.

Порталот „Now to Love“ тврди дека Мајли забременила „за инат на поранешниот сопруг Лиам Хемсворт“.

Како што изјавил извор близок на пејачката за овој таблоид, една од причините што Мајли и актерот се развеле било тоа што таа не сакала да има деца со него, а наводно „прифатила да направи дете со Симсон, бидејќи знае дека тоа ќе го повреди поранешниот сопруг“.

Уште во март медиумите пишуваа дека пејачката е бремена, а пред неколку недели кружеа гласини дека Мајли Сајрус и Коди Симсон прават планови за венчавка во Австралија – домот на Коди и поранешниот сопруг на Мајли. Наводно парот сакал да се венча во Мелбурн, после нејзиниот концерт, а пандемијата од вирусот ги одложи сите планови.