Германската авиокомпанија Луфтханза најави дека ќе ги прекине летовите кон Аман, Бејрут, Ербил и Тел Авив најмалку до понеделник. Одлуката за прекин на летовите е донесена по последните настани на релација Техеран – Тел Авив, објави Кликс.ба.

„Групата, која ја вклучува германската авиокомпанија, како и швајцарските и австриските авиокомпании, исто така ќе се погрижи летовите да го избегнуваат воздушниот простор над Израел, Јордан и Ирак во догледна иднина“, соопшти компанијата, според Ројтерс. Да потсетиме, Луфтханза пред иранскиот напад кон средината на неделата објави дека ги прекинува летовите кон Техеран во двата правци, а во петокот објави дека прекинот ќе трае до 18 април. Во меѓувреме, по иранскиот напад, Израел, Ирак и Јордан го отворија својот воздушен простор.