Се уште актуелниот европски првак викендов стана најомразен клуб во Англија откако објави дека своите вработени ги праќа на принуден одмор и ќе ги користи владините субвенции.

По жестоките реакции на јавноста, на вработените, навивачите и обичните граѓани, Ливерпул ја повлече одлуката, а извршниот директор на тимот, Питер Мур, им се извини на навивачите.

– Изминатиот викенд дојдовме до погрешен заклучок и жалиме поради тоа и искрено се извинуваме. Нашите намери се да се обезбеди на работната заедница што поголема заштита од загуби за време на овој неочекуван период. Загрижени сме за нашите работници и продожуваме да се подготвуваме да работиме на тоа да изнајдеме алтернативни начини додека нема натпревари – изјави Мур.