Ливерпул фаворит за триумф во Лигата на Европа
Актуелниот европски шампион, Ливерпул, на едно коло до крајот сè уште не го обезбеди пласманот во нокаут фазата во Лигата на шамионите. „Црвените“ се први во групата Е, но пласманот во нокаут фазата ќе мора да заверат во последното коло на гостувањето кај Салзбург кој исто така има шанси за освојување на едно од првите две места во групата.
Доколку Ливерпул загуби од Салзбург тогаш ќе биде елиминиран од ЛШ и настапите ќе ги продолжи во Лигата на Европа, каде би бил прв фаворит за трофејот. Според англиските обложувалници, „црвените“ се главен фаворит за титулата во ЛЕ заедно со Баер Леверкузен и Севиља.
Обложувалниците пак најмногу имаат доверба во Манчестер сити дека ќе триумфира во ЛШ, му даваат 24% за триумф, втор фаворит е Баерн Минхен со 20%. Интересно е што доколку Ливерпул продолжи со настапите во Лигата на шампионите, тогаш е трет фаворит за титулата.