Левица обвини дека министерот Сали вработува свои луѓе додека здравствениот систем пропаѓа
Продолжуваат унапредувањата на лица блиски до власта, без јавен оглас, овој пат во режија на министерот за здравство Беким Сали, тврдат од политичката партија Левица.
– Интерниот оглас за унапредувањата според кој донел одлуки министерот Беким Сали не биле објавени на веб-страната на Министерството за здаравство, спротивно на законот. Со тоа одлуките се нелегитимни и тие мора да бидат поништени – реагираат од партијата.
Министерството за финансии, според партијата, мора да обезбеди согласности за одлуки кои имаат буџетски импликации за 2023 година.
Левица дознала дека и неквалификувани лица блиски до власта биле унапредени.
Оттаму потсетуваат дека повеќекратно реагирале на општата состојба во здравството, како недостатокот на лекови за ретки болести, за лошото справување со пандемијата и нетранспарентните јавни набавки од страна на Министерството за здравство.