Лацио повторно во ЛШ: УЕФА потсети на мајсторијата на Пандев против Реал! (ВИДЕО)
Лацио после 13 години повторно е во групите од Лигата на шампионите, последен пат беше дел од елитата во сезоната 2007/08.
Оваа сезона „небесно-сините“ ќе играат во групата „Ф“ заедно со екипите на Зенит Ст. Петерсбург, Борусија Дортмунд и Клуб Бриж.
Првиот меч играчите предводени од тренерот Симоне Инзаги ќе го играат во вторник (20. октомври) на Олимпискиот стадион во Рим (21.00 часот) против Борусија Дортмунд.
По повод враќањето на Лацио во ЛШ, денеска УЕФА на социјалните мрежи објави видео со едни од најубавите погодоци на римскиот клуб во минатото во ова натпреварување.
? Lazio back in Champions League group stage for the first time in 13 years! They've scored some great goals down the years…@OfficialSSLazio | #MondayMotivation | #UCL pic.twitter.com/Fym5wHzyMu
— UEFA Champions League (@ChampionsLeague) October 19, 2020
А во тој избор се најде и македонскиот репрезентативец Горан Пандев кој исто така во кариерата беше дел од Лацио, а се одвојува неговиот прекрасен гол (еден од двата) против Реал Мадрид во ремито на домашен терен (2:2) токму од последната сезона во која Лацио играше групна фаза во ЛШ.
Иако „кралевите“ двапати водеа благодарение на головите на Руд ван Нистелрој, нашиот „Гранде Пандев“ двапати ја затресе мрежата на Икер Касиљас и не дозволи неговиот клуб да биде поразен од европскиот гигант.
Лацио во текот на својата историја исто така имаше врвни играчи, покрај нашиот Пандев, листата ја збогатуваат уште Хуан Себастијан Верон, Роберто Муци, Синиша Михајловиќ, Хернан Креспо, Клаудио Лопез, Стефано Фиоре, Џузепе Фавали.