Кривокапиќ и Абазовиќ ќе бараат митрополитот Јоаникије да се устоличи во Подгорица
Црногорските медиуми повикувајќи се на неофицијални информации објавија дека премиерот на Црна Гора, Здравко Кривокапиќ и вицепремиерот Дритан Абазовиќ ќе побараат од патријархот Порфириј и митрополитот Јоаникиј да го преместат устоличувањето од Цетиње во Подгорица поради наводни можни инциденти.
Кривокапиќ и Абазовиќ се одлучија на таков чекор по денешните инциденти во Цетиње, кои според нив покажуваат дека тензиите се на високо ниво и дека се можни сериозни инциденти на утрешната церемонија.
Премиерот на Црна Гора вечерва присуствуваше на литургијата што се одржува пред Храмот на Христовото воскреснување во Подгорица. Покрај Кривокапиќ, на свечената богослужба присуствуваа и министрите, владици, епископи и околу 10.000 верници.
По церемонијата се очекува средба меѓу Кривокапиќ, Абазовиќ, Порфириј и Јоаникиј.