Кривична за тетовец кој преку Фејсбук се заканувал на вработени во пајак службата

Подигање неправилно паркирано возило / Фото: ЈП „Градски паркинг“

Четириесет и пет годишен тетовец добил кривична пријава од тетовската полиција затоа што во август годинава на социјалната мрежа Фејсбук се заканувал на службени лица кои презеле дејствија за неговото погрешно паркирано возило.

Пораките со закани ги упатувал кон двајца вработени во ЈП „Градски паркинг Тетово” и еден полицаец кои со специјалното возило „пајак” му го подигнале неговото возило.

– СВР Тетово поднесе кривична пријава против Т.Б.(45) од Тетово поради постоење основи на сомнение за сторено кривично дело „загрозување на сигурноста по пат на информатички систем”. На 26.08.2019 во 10.00 часот во Полициска станица Тетово три лица пријавиле дека од профил на Т.Б. на социјалната мрежа „Фејсбук” биле објавени пораки со заканувачка содржина, поради преземени службени дејствија за погрешно паркирано возило, сопственост на Т.Б, информира СВР Тетово.

Инаку, Секторот за внатрешни работи Тетово околу паркирањето во градот информира дека вчера, на 7 октомври полициските службеници откриле и законски санкционирале 27 возачи за погрешно паркирани возила.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот