Поранешниот тренер на Јувентус и на Челси, одби да ја презеде тренерската фукција во Рома. „Римската волчица“ откако го отпушти Еузебио ди Франческо е во потрага по врвно тренерско име, изборот падна на Конте, му беше понуден тригодишен договор со плата од 9.5 милиони евра, но тој ја одби понудата. Причината е, различната визија за иднината на екипата.

– Во бракот имате две страни. Јас имам своја филозофија која е малку поинаква. Сакам да работам во клуб каде ќе веруваме дека можеме да победиме секого, во спротивно веднаш ќе се повлечам и ќе ја сменам професијата. Ако клубот не може да ми дозволи да работам според моите принципи и правила, тогаш воопшто нека не ме бара – изјави Конте за „Газета дело Спорт“.

Сега откако Рома испадна, во трката за потписот со Антонио Конте останаа само три екипи, Јувентус, Интер и Милан, а најголеми шанси за негов ангажман и се даваат на „старата дама“.

Челниците на Јувентус се разочарани од елиминацијата од Ајакс во Лигата на шампионите и сериозно размислуваат за смена на Масимилијано Алегри. Во нотесот на претседателот Ањели има само две имиња, Пеп Гвардиола и тоа на Антонио Конте кој веќе работеше во Јувентус и со задоволство би одработил и „втор“ мандат на клупата на „старата дама“.