Коланџело: Коби Брајант во „Куќата на славните“!
– Се очекува тоа да биде најсилната класа во историјата со Коби, Гарнет и Данкан. На Коби ќе му биде оддадена почест каква што заслужува – вели Коланџело.
Коби Брајант кој почина вчера во хеликоптерска несреќа, ќе биде постхумно примен во „Куќата на славните“ на Националната кошаркарска асоцијација во Спрингфилд, Масачусетс.
Уште од претходно се најавуваше дека Коби Брајант заедно со Тим Данкан и Кевин Гарнет ќе бидат нови членови на „Куќата на славните“.
Ваквата информација денеска ја пренесува новинарот Шамс Чаранија од „Атлетик”, повикувајќи се на претседателот на Бордот на управителите на „Куќата” – Џери Коланџело.
Kobe Bryant will be a first-ballot enshrinement into the Naismith Basketball Hall of Fame class of 2020.
"Expected to be arguably the most epic class ever with Kobe, Tim Duncan and Kevin Garnett," HOF chairman Jerry Colangelo says. "Kobe will be honored the way he should be."
— Shams Charania (@ShamsCharania) January 27, 2020
– Се очекува тоа да биде најсилната класа во историјата со Коби, Гарнет и Данкан. На Коби ќе му биде оддадена почест каква што заслужува – вели Коланџело.
На списокот се наоѓаат и Крис Бош, Шон Мерион, Мајкл Финли, Марк Итан, Бак Вилијамс, Тони Кукоч, Беки Хамон, Свин Кеш и Тамика Качингс.
Имињата на финалистите за место во „Куќата на славните“ ќе бидат објавени на 14. февруари за време на „Ол-стар” викендот, а кој од нив ќе добие место во пантеонот на кошаркарското величие ќе стане јасно во почетокот на април.
Церемонијата е закажана за 29 август 2020 година.