Коалицијата „Менуваме” денеска до Канцеларијата на Светската банка достави анализа на активностите на министерката за образование и наука Мила Царовска за предложениот нов модел за образование, кој, според нив, е „обид за вештачко парцијализирање на стварноста низ одделните науки”.

– До Канцеларијата на Светската банка доставивме анализа за работата на министерката Царовска и Министерството за образование и наука. Овој наративен извештај вклучува девет анализи базирани врз изјавите на Царовска, истакнаа од Коалицијата.

Според нив, недозволиво е Светската банка да финанансира проекти со кое „се политизира образованието”.

– Со ова се кршат нормативите и правилникот на работа на Светската банка, која има соработувано и со минатата и со оваа Влада и недозволиво е нивните пари да бидат политизирани, велат од Коалицијата.

Тие додаваат дека е недозволиво министерката Царовска „да го негира отпорот на родителите, учениците и наставниците кон новите реформи во образованието”, воедно обвинувајќи дека врши „деструкција во образовниот систем”