Кина ја воведува идеологијата на Си Џипинг во наставната програма: Ќе ги учи децата како да ја сакаат својата земја и социјализмот
Кина има намера да ја воведе проучувањето на политичката идеологија на Си Џипинг во училишната програма.
Според плановите оваа студија ќе се воведе во сите нивоа на образование – од основните училишта до универзитетите.
Британските медиуми наведуваат дека ова е едно од последните напори на претседателот Си да ја зајакне улогата на кинеската комунистичка партија во сите аспекти на животот на луѓето.
Главната цел на ова учење е младите да развијат тенденција кон напорна работа од самиот почеток, а фактот што идеологијата на претседателот беше вклучена во Уставот во 2018 година, покажува колку е важна идеологијата на претседателот
Оттогаш, постепено се воведува и учи на одделни универзитети и воннаставни младински организации кои се особено заинтересирани за политика. Предвидено е сега да се изучува во сите образовни институции.
– Во основните училишта, учениците ќе се учат како да ја негуваат љубовта кон земјата, Комунистичката партија и социјализмот. Во средните училишта, фокусот ќе биде на комбинација на теорија и практика, а целта ќе биде да им се помогне на учениците да формираат основни политички ставови и да стекнат практично знаење – објави кинескиот државен медиум Глобал тајмс.
Министерството работи и на воведување предмети што ќе го изучуваат раководството на партијата во наставните програми во воените училишта – изјави висок функционер на Министерството за одбрана.
Во Кина, практиката е секој претседател и политички лидер да има своја идеологија, која постепено се вградува во Уставот или статутот на партијата.
Освен Си Џиинпинг, само Мао Це Тунг создаде филозофска насока од неговата идеологија и го користеше своето име како идеолошката насока.