КФСМ го доби ваучерот вреден 100.000 евра
Кошаркарската федерација на Македонија (КФСМ) денеска го наплати ваучерот од АМС во висина од 100.000 евра од Државната видеолотарија.
– Државната видео лотарија ќе ја помогне КФСМ со 6.150.00 денари. Дел од парите ќе бидат спонзорство, а дел ќе бидат донација. Големо е задоволството да се има партнер како Државна видео лотарија. Компанијата прва застана зад нас со добра сума на пари кои ќе бидат поделени на сите репрезентации, а најмногу на сениорската – изјави претседателот на КФСМ, Перо Антиќ.
КФСМ и Државна Видеолотарија ќе продолжат со заеднички сили да работат на промовирање на спортските вредности на нашата Република.
– Во нашите заложби за унапредување на спортот, пронајдовме простор за една убава соработка со КФСМ. Државна Видеолотарија станува силен подржувач на националните А селекции во кошарка, нашите најважни претставници на меѓународната сцена.
Со донација од 5.535.000 денари и спонзорство од 615.000 денари, ние јасно ја поддржуваме визијата на КФСМ, овозможувајќи ин на кошаркарите прецизно да нишанат кон кошот додека ги бранат репрезентативните бои на нашата земја – изјави Виолета Чадиковска од Државна видеолотарија.