Жрепката за Лигата на шампионите ги спои во иста група Барселона и Јувентус, односно Лионел Меси и Кристијано Роналдо, и поради тоа сите со нетрпение го очекуваат стартот на новата сезона.

ЛШ: Жрепката ги спои Роналдо и Меси, Јувентус и Барселона ќе играат еден против друг

Потпретседателот на Јувентус, Павел Недвед е воодушевен што Меси и Роналдо повторно ќе играат еден против друг.

– Тоа ќе биде фантастичен дуел на двајцата најдобри фудбалери на светот, Роналдо и Меси. Исто така ќе ги видиме и Миралем Пјаниќ и Артур кои ова лето ги променија клубовите – изјави Недвед.

Средбите во новото издание од ЛШ ќе претставуваат прва пресметка помеѓу Роналдо и Меси откако Португалецот во 2018 година од Реал Мадрид се пресели во Јувентус. Исто така ова ќе претставува прв дуел на Меси и Роналдо во ЛШ од 2011 година кога Барселона беше подобра од Реал Мадрид.

Недвед исто така не сакаше да го намали значењето на останатите две екипи од групата Г, Динамо Киев и Ференцварош.
– Динамо Киев е солиден тим со искусен тренер во Мирчеа Луческу. Унгарскиот тим ни е непознаница но тоа може да ни предизвика проблеми – вели Недвед,