Јавноста отрпна на „бомбите“, партиите ги обожаваат, ама само „подобните“

Во Македонија како да згасна страста на граѓаните да слушаат тајно снимени разговори, попознати како „бомби“, за одредени субјекти во земјава, а меѓу нив и некои политичари. И покрај предизборната еуфорија, мал е ефектот што го имаат новите „бомби“, кои речиси секојдневно се објавуваат од анонимни профили на социјалните мрежи, најчесто на видеосервисот „Јутјуб“.
Меѓу главните „актери“ кои се снимани или се спомнуваат во разговорите се лидерите на СДСМ и на ВМРО-ДПМНЕ, Зоран Заев и Христијан Мицкоски, сега осудениот од аферата „Рекет“ Зоран Милески викан Кичеец и понекој засега непознат соговорник или соговорничка.

Овие таканаречени тајни снимки или „бомби“ ни најмалку не се слични на тие што се објавуваа јавно од тогашната опозиција во 2015 година, велат аналитичарите. А поинаков е и политичкиот контекст, како и начинот на нивното прибавување, најчесто од приватни тајни снимања со телефон, така што не изненадува нивниот блед прием во јавноста. Квалитет на снимките е многу лош, а најдобро се слуша гласот на лицето до кое стои апаратот за снимање, без разлика за каква опрема станува збор.

Прочитајте и...  Во Бејрут втор ден насилни протести, пожар пред парламентот, демонстрантите се судрија со полицијата (ВИДЕО)

Во разговорите, каде што најчесто се застапени токму Заев и Мицкоски, е опфатен период од пред три години кога сегашната власт правеше калкулации за победата на последните парламентарни избори. Опфатен е и периодот на почнување на аферата „Империја“ од згаснатото СЈО, во која е обвинет и бизнисменот Орце Камчев, но и политичкото озборување на партиските лидери за одредени лица.

Самите „бомби“, но и меѓусебни партиски провокации и прозивки, за аналитичарите во земјава се само дел од предизборниот фолклор. Според нив, „бомбите“ имаат негативен ефект не само во однос на изборите туку врз целото општество предизвикувајќи дефетизам кај граѓаните, притоа уривајќи ја и онака малата доверба во институциите.
Нови снимки од разговорите меѓу лидерот на ВМРО-ДПМНЕ, Христијан Мицкоски, осудениот во случајот „Рекет“, Зоран Милески-Кичеец и Слободанка Алексовска беа објавени на Јутјуб. На снимките тие зборуваат за судбината на Специјалното јавно обвинителство и за предметот „Империја“.

Прочитајте и...  Театарската претстава „Чудесна терапија“ вечерва на Охридско лето

Во изминатите денови беа објавени неколку нелегално снимени материјали, во кои едни од соговорниците се Мицкоски и Зоран Милески Кичеец. Лидерот на ВМРО-ДПМНЕ откри дека бил кај бизнисменот Орце Камчев кога бил под ПИ-мерки за случајот „Империја“, а посочи и дека бизнисменот финансиски ѝ помогнал на партијата кога им било најтешко и биле во долгови.
Бизнисменот Орце Камчев ги отфрла обвинувањата дека „ОРКА холдинг“ или некоја компанија што е дел од групацијата ја финансирала политичката партија ВМРО-ДПМНЕ. Во реакцијата од „ОРКА“ се наведува дека оваа партија имала долг кон една од фирмите од холдингот („Монт“) кој, тврдат оттаму, е комплетно исплатен со пресметани камати.
Воедно, оттаму посочуваат дека Државниот завод за ревизија нотирал дека нема ништо спорно во финансирањето на претседателската кампања на Гордана Силјановска-Давкова во 2019 година.

Прочитајте и...  Затворени гласачките места во Белорусија: Прелиминарните резултати ја покажуваат доминацијата на Лукашенко

За дел од „бомбите“ реагираа и независните пратеници кои беа исклучени од ВМРО-ДПМНЕ, а чии членови гласаа за новиот Закон за јавното обвинителство. Тие потсетуваат дека од една од снимките станува јасно дека Мицкоски свесно го кочел донесувањето на реформските закони, во функција на заштита на криминал и на финансиски интереси, а истовремено тие беа обвинувани за наводно „предавство“ со тоа што гласаа за Законот.

Заев за изјавата дека ќе соберел „и шуто и рогато“: По два саати во кафана, се случуваат грешки

 

Прочитај повеќе

Во Унгарија 43 нови случаи на коронавирус, нема починати

Слободен печат

Бразил: Над 3 милиони заразени од коронавирус и повеќе од 100.000 починати

Слободен печат

Тензии во Белорусија: Лукашенко ја напушти земјата и покрај победата, војската излегува на улиците (ВИДЕО)

Слободен печат

Ковид-19 ги одложи иселеничките средби во Делчевско

МИА Агенција

Автолитии од Бијело Поље до Бар: Колони автомобили на протест ширум Црна Гора

Слободен печат

Бил Гејтс со нова прогноза: Пандемијата за богатите ќе заврши до крајот на 2020 година, за останатите ќе потрае уште цела година

Слободен печат

Остави Коментар

Прочитај повеќе

Две семејства се тепаа пред Градска болница, интервенираше и полицијата (ВИДЕО)

Слободен печат

Директорката Сотирова Бухова во самоизолација поради контакт со заболен член од семејството

Слободен печат

Затворени гласачките места во Белорусија: Прелиминарните резултати ја покажуваат доминацијата на Лукашенко

Слободен печат

Повеќе од 5 милиони заразени од коронавирус во САД

Слободен печат

Кириакидес: Вакцината за коронавирус би можела да биде достапна до крајот на годината

Слободен печат

Во Бејрут втор ден насилни протести, пожар пред парламентот, демонстрантите се судрија со полицијата (ВИДЕО)

Слободен печат