Израелскиот амбасадор во Албанија: За неколку недели ќе го признаеме Косово
Израелскиот амбасадор во Албанија, Ноа Гал Гендлер изјави дека неговата земја ќе го признае Косово за неколку недели, пренесува „Зери“.
– Почнаа преговори меѓу Израел и Косово, но, исто така, и меѓу Израел и Србија. Ќе бидат потребни уште неколку недели за да се постигне договор и ќе следи отворање на амбасадата на Косово и на Србија во Ерусалим, рече Гендлер во ТВ-емисијата Скен, пренесува приштинскиот портал „Зери“.
Прашан зошто е толку важно Израел да го признае Косово, тој рече: тоа е прашање што бара одговор од народот на Косово, но ние имаме симпатии кон албанскиот народ.
– Ние мора да дадеме се од себе за да му помогнеме на вашиот народ. Го сторивме тоа без признавање во минатото, но со признавање ќе биде полесно, рече Гендлер, додавајќи дека можат да се изградат мостови во економијата, образованието, културата.