Изложба под отворено небо од Град Скопје
На 24.04.2019 под иницијатива на Град Скопје ќе биде започната изложба под отворено небо.
Основна замисла на изложбата на отворено е да се презентира иницијативата на Град Скопје за подигање на квалитетот на урбаното планирање на локации на отворено и збогатување на содржините со проекти од областа на културата.
На изложбата ќе учествуваат уметниците: Андреј Митевски, Александар Наумоски, Лирим Хоџа, Горан Костовски, Љубиша Камењаров, Игор Сековски, Гоце Наневски, .Шќипе Мехмети, Ладислав Цветковски, Славица Јанешлиева- Бачварска, Марија Рашковиќ, Александар Рашковиќ, Роберт Јанкулоски и Ѓорѓе Јовановиќ.
Со овој проект ќе се овозможи уметниците почесто да ги промовираат своите активности преку користење на јавните простори за презентирање на своите содржини .
Намерата на изложбите на дела под отворено небо, посветена на уметниците кои творат во градот Скопје, има за цел да ги промовира авторите коишто живеат и творат во овој град и кои остваруваат голем придонес во областа на уметноста и културата преку нивните дела.
Настанот ќе се одржи во организација на Град Скопје, а во соработка и логистичка поддршка на Установа Центар за современи уметности Скопје.