ИТАЛИЈА ВОВЕДУВА ДАНОК НА ИНТЕРНЕТ ТРАНСАКЦИИТЕ: Очекува годишни приходи од 600 милиони евра – Слободен печат
Некатегоризирано

ИТАЛИЈА ВОВЕДУВА ДАНОК НА ИНТЕРНЕТ ТРАНСАКЦИИТЕ: Очекува годишни приходи од 600 милиони евра

Земјата веќе долго време ги критикува компаниите дека остваруваат големи профити, но не плаќаат даноци од само неколку милиони евра.

Италија до 2020. година ќе воведе планиран три-процентен данок на одредени онлајн трансакции на големите дигитални компании, изјави министерот за економија Роберто Гвалтиери.

Италија и другите членки на Европската унија веќе долго време ги критикуваат „Фејсбук“, „Гугл“ и другите интернет гиганти за остварување огромни профити во нивните земји, но плаќаат даноци до неколку милиони евра, пренесува „Ројтерс“.

Дигиталните компании префрлаат профит на дестинации со ниски или нула даноци, како што е Ирска, со меѓународни договори што ги штитат од плаќање данок во земјите каде што заработуваат, но немаат „постојан естаблишмент“.

– Добивката мора да се оданочува таму каде што се остварува – рече Гвалтиери на расправата во италијанскиот парламент.

Во Рим, во вторник, тој ќе претстави продукциско партнерство со најголемиот италијански трговски радиодифузер „Медијасет“, извршниот директор и основач на „Нетфликс“, Рид Хастингс, кој рече дека американскиот сервис за видео стриминг планира да отвори канцеларии во Италија и да плаќа даноци во таа земја.

Новиот италијански данок ќе се однесува само на компании со годишен приход од најмалку 750 милиони евра и вредност на дигитални услуги поголема од 5,5 милиони евра.

Според првичниот план, данокот требаше да биде воведен на почетокот од оваа година, но крајниот рок беше префрлен за следната година. Овој данок ќе биде воведен со владина регулатива.

Италијанското Министерство за финансии процени дека новите приходи од данок ќе бидат 600 милиони евра годишно. Гвалтиери исто така рече дека Италија штотуку побарала од Европската комисија да претстави предлог за минимална даночна стапка за компаниите ширум Европа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close