Кајри Ирвинг заврши со настапите во дресот на Бостон селтикс. Новинарот Шемс Чаранија на својот профил на Твитер објави дека Ирвинг ќе ја одбие понудата на Бостон, да ја прифати опцијата за продолжување на договорот за една година, и планира да се појави на трансфер пазарот во НБА лигата.

Celtics' Kyrie Irving is not opting into his $21.3 million deal for next season and will become a free agent eligible to sign a new contract with Boston or elsewhere, league sources tell @TheAthleticNBA @Stadium.

— Shams Charania (@ShamsCharania) June 12, 2019

Со одбивањето да продолжи да игра за Бостон, Кајри Ирвинг ќе стане неограничено слободен агент и ќе може да избере во која екипа ќе ја продолжи кариерата.  Засега само две екипи се споменуваат како можна дестинација за Ирвинг, Њујорк никс кој има простор да понуди максимален договор на две НБА ѕвезди и Лос Анџелес лејкерс каде би го пречекал сограчот од Кливленд, Леброн Џејмс.

Ирвинг во НБА лигата влезе во 2011 година кога како прв избор на драфтот го избра Кливленд кавалирс со кого во 2016 година ја освои и титулата. Има шест настапи на Ол-стар натпреварите, а со репрезентацијата на САД го освои златниот медал на Светското првенство во 2014 година и на Олимписките Игри 2016 година кои се одржаа во Рио де Жанеиро.

Минатата сезона, Кајри Ирвинг за екипата на Бостон постигнуваше просечно по 23.8 поени и 6.9 асистенции по натпревар.