И против многу позвучни репрезентации нашите најдобри фудбалери успеале да го напуштат теренот непоразени, иако воглавно натпреварите завршувале нерешено, против Англија, Италија, Холандија, Португалија.

Но, не така често доаѓаме до победи над атрактивни ривали, иако секако тука не се исклучуваат мечевите против Норвешка (2:0), Бугарија (2:0), Шкотска (1:0), Хрватска (2:0), Турција (1:0), Данска (3:0)…

Поради пандемијата на коронавирусот одложен е повторно полуфиналниот дуел од Лигата на нации меѓу Македонија и Косово за пласман на наредното ЕП 2021.

Во квалификациите за пласман на Светското првенство 1998, на денешен ден 2 април 1997 година во Скопје селекцијата предводена од тогашниот селектор Ѓоко Хаџиевски триумфираше против Република Ирска со 3:2.

Стрелаше Митко Стојковски кој двапати беше прецизен од пенал, а му се придружи и Ѓорѓи Христов.

После тој триумф ги одржувавме шансите за учество во мундијалскиот бараж и второто место, следуваше и победа над Исланд (1:0), но во последните три меча од квалификацискиот циклус, загубивме од Романија, и на крајот двапати од Литванија.