Именувањето на нови амбасадори е првиот тест за Хрватска
Одборот за надворешни работи е последна инстанца во ланецот на предлагање и потврдување на новите амбасадори.
Именувањето на нови амбасадори е прв тест на кохабитацијата меѓу хрватскиот премиер Андреј Пленковиќ и новоизбраниот претседател Зоран Милановиќ.
Опозициската СДП, која го кандидираше Милановиќ за претседател вчера се пожали дека не добиле информација оти од Владата до Парламентот било испратено барање за итно свикување на седница на Одборот за надворешна политика.
Од власта побарале Одборот во наредните 15 дена да одржи седница и да ги потврди имињата на предложените нови амбасадори. Но и претседателката Колинда Грабар Китаровиќ да ги именува пред Милановиќ да стапи на должност.
Одборот за надворешни работи е последна инстанца во ланецот на предлагање и потврдување на новите амбасадор, а изборот е тајна и јавноста не може да присуствува на Одборот кога за тоа се одлучува.