ИФФХС: Струга Трим Лум е најдобриот фудбалски клуб од Македонија
Меѓународниот институт за фудбалска историја и статистика (ИФФХС) неодамна го објави рангирањето на најдобрите тимови до 30 септември.
На оваа ранг листа на врвот се наоѓа Манчестер сити со 304 бодови, оставајќи ги зад себе Реал Мадрид кој има 291 и милански Интер на третата позиција со 254.
Актуелниот шампион Струга Трим Лум на ова последно рангирање се позиционира на 251 место, како најдобар фудбалски клуб кој доаѓа од Македонија.
Струга Трим Лум моментно ја дели оваа позиција со добро познатиот арапски тим на Ал Наср, во чиј состав е и Кристијано Роналдо, додека зад сега има многу големи имиња на тимови, како Фулам, Гремио, Хетафе, Валенсија, Селта Виго, Удинезе итн.
Меѓу 400-те рангирани екипи, како втор најдобропласирана екипа од Македонија е тетовска Шкендија која се наоѓа на 396 позиција.