Гвардиола пред претстојниот натпревар на неговиот тим против Астон Вила во Премиер лигата, пред новинарите зборуваше за Суперлигата.
– Спортот не е спорт кога врската помеѓу трудот и награда не постои. Тоа не е спорт доколку успехот е загарантиран или доколку не е важно кога ќе загубиш. Многу пати кажав дека сакам успешна Премиер лига, а не само еден клуб да биде на врвот. Не е во ред кога можеби четири или пет клубови одат горе и ќе им се приклучат на овие екипи. Но, што се случува кога 14 или 15 од тие клубови немаат добра сезона и секој пат се во едно натпреварување – изјави Гвардиола кој потоа кажа што мисли за Суперлигата и учеството на неговиот тим во неа.

– Ова ситуација со Суперлигата мора да биде разјаснета и мора да се знае зошто се донесени вакви одлуки. Претседателот мора да ми одговори зошто Сити е дел од Суперлигата. Зошто Ајакс не е вклучен во овој проект и покрај сите успеси. Објаснете ми го тоа.  Суперлигата е ембрион кој сè уште не дише. Ние може да зборуваме за реалноста, а тоа е Лигата на шампионите. Ние ќе се обидеме да се пласираме во финалето на ЛШ, а потоа и следната сезона сакаме да играме во европските купови бидејќи тоа го заслуживме и освоивме со нашата работа и резултати на теренот