Хунтата во Мјанмар повторно го одложи терминот за судење на Су Чи
Хунтата во Мјанмар денеска повторно ја одложи судската постапка против поранешната лидерка Аунг Сан Су Чи соопштија нејзините адвокати, кои се борат за дозвола да ја посетат, 12 недели откако беше приведена.
Притворената лидерка на Мјанмар, Аунг Сан Су Чи, која со воен удар беше соборена од власт, денеска повторно побара лице-в-лице средба со нејзините адвокати на второто судско сослушување овој месец, јави ДПА.
– Шесте случаи со кои се соочува Аунг Сан Су Чи не беа на дневен ред денеска, изјави за ДПА Кин Маунг Зау, шеф на правниот тим на Су Чи. – Таа го повтори своето барање за лична средба со адвокатите, рече тој, појаснувајќи дека одлука за тоа барање се уште не е донесена.
Обвинителството ја обвинува 75-годишната жена за неколку дела, вклучително и кршење на законите за надворешна трговија во врска со радио опрема пронајдена во нејзината куќа и кршење на ограничувањата во врска со пандемијата на коронавирус. Најсериозно обвинение досега е обвинението за „поттикнување бунт”.