Истарската полиција соопшти дека се упасени 27 лица под сомнение дека лажирале сообраќајни несреќи и мамеле осигурителни компании.

Се сомнева дека зад делото „злосторничко здружување“, измама и фалсификување на исправи стојат двајца мажи, од кои едниот од претходно се наоѓа во истражен затвор, и една жена, додека останатите лица се товарат за лажирање на сообраќајни несреќи, со што помогнале во измамата.

Од 2012 година до 2018 година тие планирале и организирале лажни сообраќајни несреќи на подрачјето на Истарската жупанија, едниот ги пријавувал во полиција за финансиски надомест, а потоа жртвите оделе во болница, каде се жалеле на претходно договорени повреди.

Потоа тие ја предавале медицинската документација на медицински техничар, еден од учесниците во синџирот на измама, кој неовластено изработувал нови специјалистички наоди во системот на болницата кои ги исполнувале условите за компензација од осигурителните компании.

Освен што фингирале сообраќајни несреќи, осомничените ги мамеле осигурителните компании и во случаи на вистински несреќи.