Холандскиот спорт и во тага откако од Франција пристигна вест дека по двонеделна кома почина 27-годишната светска и европска шампионка во брзо лизгање, Лара ван Руијвен.

– Ова е неверојатен удар за нашата репрезентација. Ни недостасуваше во изминатите две недели, а оваа вест е неверојатна – изјави Јероен Отер, тренерот на холандската репрезентација во брзо лизгање.

Светската шампионка на 500 метри брзо лизгање починала како последица на автоимуна реакција. Таа била хоспитализирана кон крајот на минатиот месец откако и се слошило на тренингот, а четири дена подоцна била префрлена на оддел за интензивна нега.

Причина за смртта на Ван Руијвен е автоимуна болест поради која дошло до внатрешко крвавење по што Холанѓанката била ставена во индуцирана (вештачка) кома и над неа биле извршени неколку операции, но состојбата не се подобрила. Лара ван Руијвен починала на 10 јули во билница во францускиот град Перпињан.

Автоимуните болести се појавуваат како последица на претерана реакција на имунолошкиот систем против оганизми и ткива кои се присутни во телото. Денеска постојат повеќе од 40 болести кои се класифицирани како сигурно или веројатно од автоимуно потекло и од нив боледува 5-7% од светската популација, а болестите се јавуваат без предупредување или јасни причини.