Ерлинг Халанд е приоритет на Барселона во следниот летен преоден рок, но Норвежанецот е подготвен да дојде на „Камп Ноу“ само доколку каталонскиот клуб избори пласман во Лигата на шампионите следната сезона, објави весникот „Спорт“.

Халанд, преку неговиот агент Мино Рајола, веќе започна преговори со Барселона, кој во вторникот се сретна со претседателот на Барса, Жоан Лапорта во Торино, а беше придружуван од Матеу Алемани, директорот на Барса и техничкиот советник Жорди Кројф.

Во игра за ангажирање на Норвежанецот се и Баерн Минхен, Манчестер сити и Реал Мадрид, а Халанд веќе изјави дека е подготвен да ја разгледа понудата на Барселона и евентуално да дојде на „Камп Ноу3 само доколку се пласираат во ЛШ следната сезона.

Моментно Барселона е на осмото место со пет бода помалку од четвртопласираниот во „Ла Лига“ и судејќи според игрите која ги има екипата оваа сезона, пласманот во ЛШ ќе биде многу тешка задача за тренерот Чави.

🚨| FC Barcelona sees the signing of Erling Haaland next summer ‘very possible’ after Joan Laporta's meeting with Mino Raiola. The club does not rule making big sales to make the transfer happen.@ffpolo [🎖️]

— Managing Barça (@ManagingBarca) December 15, 2021

Поради алчноста на Рајола пропаѓа трансферот на Халанд?

Што се однесува до економскиот аспект за клубот кој во последно време е во големи финансиски проблеми, „Спорт“ тврди дека Барселона веќе има прецизна слика и план за вкупната сума на операцијата, од трансферната цена до хонорарот на играчот и провизиите за Рајола.

Наводно, во Барселона веруваат дека без проблем би можеле да го реализираат трансферот, бидејќи има инвестициски фондови подготвени да му помогнат на каталонскиот гигант. Според претходните информации, Халанд има клаузула во договорот која би можела да се активира следното лето, која ќе му овозможи да замине во случај на понуда од 75 милиони евра.